Abhista Sucanam

(1)abhīra-pallī-pati-putra-kānyā-

dāsyābhilāṣāti-balāśva-vāra

śrī-rūpa-cintāmaṇi-sapti-saḿstho

mat-svānta-durdānta-hayecchur āstām

(2)yad-yatnataḥ śama-damātma-viveka-yogair

adhyātma-lagnam avikāram abhūn mano me

rūpasya tat smita-sudhāḿ sadayāvalokam

āsādya mādyati hareś caritair idānīm

(3)nibhṛta-vipina-līlāḥ kṛṣṇa-vaktraḿ sadākṣṇāprapibatha mṛga-kanyā yūyam evāti-dhanyāḥkṣaṇam api na viloke sārameyī vrajasthāpyudara-bharaṇa-vṛttyā bambhramantī hatāham

(4)man-mānasonmīlad-aneka-sańgama-prayāsa-kuñjodara-labdha-sańgayoḥnivedya sakhy arpaya māḿ sva-sevanevīṭī-pradānāvasare vrajeśayoḥ

(5)niviḍa-rati-vilāsāyāsa-gāḍhālasāńgīḿśrama-jala-kaṇikābhiḥ klinna-gaṇḍāḿ nu rādhāḿvraja-pati-suta-vakṣaḥ pīṭha-vinyasta-dehāmapi sakhi bhavatībhiḥ sevyamānāḿ viloke

(6)ditija-kula-nitānta-dhvāntam aśrāntam asyansvajana-jana-cakora-prema-pīyuṣa-varṣīkara-śiśirita-rādhā-kairavotphulla-vallīkuca-kusuma-gulucchaḥ pātu kṛṣṇauṣadhīśaḥ

(7)rāse laṣyaḿ rasavati samaḿ rādhayā mādhavasyakṣmābhṛt-kacche dadhikara-kṛte sphāra-kelī-vivādamālī-madhye smara-pavanajaḿ narma-bhańgī-tarańgaḿkāle kasmin kuśala-bharite hanta sākṣāt karomi

(8)rohiṇy-agre kṛtāśīḥ-śatam atha sabhayānandam ābhīra-bhartābhītyā śaśvan nṛsiḿhe halini sakhi-kule nyasya sāsraḿ vrajeśyāsāṭopa-sneham udyad-vraja-jana-nivahai rādhikādi-priyābhiḥsa-ślāghaḿ vīkṣyamānaḥ śrita-surabhir aṭan navya-gopaḥ sa pāyāt

(9)adṛṣṭā dṛṣṭeva sphurati sakhi keyaḿ vraja-vadhūḥkuto ‘sminn āyātā bhajitum atulā tvāḿ madhu-purātapūrveṇāpurvāḿ ramaya hariṇainām iti sa-rā-dhikodyad-bhańgy-uktyā vidita-yuvatitvaḥ smitam adhāt

(10)rādheti nāma nava-sundara-sīdhu mugdhaḿkṛṣṇeti nāma maḍhurādbhuta-gāḍha-dugdhamsarva-kṣaṇaḿ surabhi-rāga-himena ramyaḿkṛtvā tadaiva piba me rasane kṣudārte

(11)caitanyacandra mama hṛt-kumudaḿ vikāśyahṛdyaḿ vidhehi nija-cintana-bhṛńga-rańgaiḥkiḿ cāparādha-timiraḿ niviḍaḿ vidhūyapādāmṛtaḿ sa-daya pāyaya durgataḿ me

(12)pika-paṭu-rava-vādyair bhṛńga-jhańkara-gānaīhsphurad-atula-kuḍuńga-kroḍa-rańge sa-rańgamsmara-sadasi kṛtodyan nṛtyataḥ śrānta-gātraḿvraja-nava-yuva-yugmaḿ nartakaḿ vījayāni

(13)yat-pādāmbuja-yugma-vicyuta-rajaḥ-sevā-prabhāvād ahaḿgāndharvā sarasī girīndra-nikaṭe kaṣṭe ‘pi nityaḿ vasantat-preyo-gaṇa-pālito jita-sudhā rādhā-mukundābhidhāudgāyāmi śṛṇomi māḿ punar aho śrīmān sa rūpo ‘vatu